Gunnella – tragikómedía HundraðP í Tjarnarbíói

Leikhópurinn HundraðP sýnir tragikómedíuna Gunnellu í Tjarnarbíói. Verkið segir frá hjartahlýrri og sjálfstæðri konu sem situr við matarborðið og reynir að ná tökum á prjónaskap þegar bankað er upp á – og gesturinn sem stendur fyrir utan gæti breytt lífi hennar.

Gunnella myndi sjálf lýsa sér sem hjartahlýrri, sjálfstæðri, duglegri og fyndinni konu. Hvernig aðrir sjá hana er hins vegar allt annað mál – og um það hefur hún litla hugmynd.

Þegar við kynnumst Gunnellu situr hún við matarborðið og er að læra að prjóna. Þá er bankað upp á. Fyrir utan stendur gestur sem gæti átt eftir að breyta lífi hennar.

Þetta er útgangspunkturinn í Gunnellu, tragikómedíu leikhópsins HundraðP sem sýnd er í Tjarnarbíói. Verkinu er lýst sem sýningu sem geti bæði fengið áhorfendur til að skella upp úr og jafnvel klökkna.

Sýningin var unnin í Listaháskóla Íslands. Höfundur verksins er Katla Þórudóttir Njálsdóttir og leikstjóri er Killian G.E. Briansson. Með hlutverk fara Aron Már Ólafsson og Katla Þórudóttir Njálsdóttir.

Katla sér jafnframt um leikmynda-, gerva- og búningahönnun auk þess að vera framleiðandi sýningarinnar. Þóra Pétursdóttir og Sævar Guðmundsson aðstoða við leikmynd og Karla Aníta Kristjánsdóttir sér um lýsingu og hljóð.

Ljósmyndun er í höndum Ágústs Arnar B. Wigum og Ísak Emanuel Glad Róbertsson sér um grafíska hönnun.