Hafið fjallar um valdamikinn útgerðarmann í sjávarþorpi, fjölskyldu hans og grimmileg átök um fjölskylduauðinn. Systkinin vilja að faðirinn selji kvótann og flytji í þjónustuíbúð í Reykjavík. Gamli jaxlinn hefur aðrar fyrirætlanir. Hann býður börnunum sínum og mökum þeirra í áramótaheimsókn. Uppgjör innan fjölskyldunnar er óumflýjanlegt. Enginn getur orðið samur eftir.

Hafið er átakamikill fjölskylduharmleikur, þrunginn spennu, en líkt og önnur verk höfundar jafnframt fullt af beittum húmor.

Hafið hlaut Menningarverðlaun DV, var tilnefnt til Norrænu leikskáldaverðlaunanna og valið til sýningar á leiklistarhátíðinni í Bonn. Verkið hefur verið sett upp víða um Evrópu. Leikritið kemur út í nýju leikritasafni í tilefni af stórafmæli skáldsins.

Fimmtudagskvöldið 14. desember var hunduðasta sýningin á Elly í Borgarleikhúsinu og hafa allar þessar hundrað sýningar verið fyrir fullum sal. Elly var frumsýnd á Nýja sviðinu laugardaginn 18. mars en var svo færð yfir á Stóra sviðið eftir gríðarlegar vinsældir í vor og sumar. Fyrsta sýningin á Stóra sviðinu var fimmtudaginn 31. ágúst.

Sem fyrr segir hefur þessi sýning, sem er samstarfsverkefni Borgarleikhússins og Vesturports, notið mikilla vinsælda og fengið gríðarlega góða umfjöllun frá gestum og gagnrýnendum.

Hver var hún þessi kona sem heillaði karlmenn á skemmtistöðum, vakti afbrýðisemi kvenna, gekk þrisvar í hjónaband, drakk snákablóð og smyglaði forboðnum apa til Íslands?

Elly Vilhjálms bjó yfir óræðri dulúð og töfraði marga með söng sínum og leiftrandi persónuleika. Hún var á sínum tíma vinsælasta söngkona þjóðarinnar og það sem hún skilur eftir sig er með því besta sem til er í íslenskri dægurtónlist. Söngurinn var fágaður, túlkunin hógvær og ígrunduð, röddin silkimjúk og hlý.  En líf hennar varð stundum efni í sögusagnir og slúður sem hún hirti lítið um að svara því Elly var dul og forðaðist sviðsljós fjölmiðlanna.

Borgarleikhúsið setur á svið splunkunýtt leikrit með söngvum um þessa dáðu söngkonu undir stjórn Gísla Arnar Garðarssonar.

Úrvalslið leikara og tónlistarmanna tekur þátt í sýningunni.

Í samstarfi við Vesturport

Úr gagnrýni um sýninguna:

“Katrín Halldóra lagði salinn að fótum sér”
MK. Víðsjá.

“Katla Margrét Þorgeirsdóttir leikur sér auðvitað að því að vinda sér úr einu gervinu í annað”
MK. Víðsjá.

“Það er hins vegar Björvin Franz Gíslason sem túlkar m.a. bæði Ragnar Bjarnason og Vilhjálm Vilhjálmsson sem vinnur eftirminnilegan leiksigur”
MK. Víðsjá.

“… hreinlega afrek hvað þeim tekst að gera sér mikinn mat úr efniviðnum og skapa lifandi persónur”
SBH. Morgunblaðið ★ ★ ★ ★★

“Tónlistin er notuð á snilldarlegan hátt til þess að skapa réttu stemmninguna”
SBH. Morgunblaðið ★ ★ ★ ★★

“Gísli Örn heldur síðan utan um alla þræði af miklu öryggi og sterkri listrænni sýn”
SBH. Morgunblaðið ★ ★ ★ ★★

“Hjörtur er góður í hlutverki Svavars, skemmtilega vandræðalegur á sama tíma og hann er launfyndinn”
SBH. Morgunblaðið ★ ★ ★ ★★

“Rýnir á hreinlega ekki nógu sterkt orð til að lýsa magnaðri túlkun Katrínar á Elly”
SBH. Morgunblaðið ★ ★ ★ ★★

“Silkimjúk, hljómfögur og tær söngrödd Katrínar gefur Elly ekkert eftir”
SBH. Morgunblaðið ★ ★ ★ ★★

“Höfundar bregða á það bráðsniðuga ráð að þræða þekktustu lög Ellyjar í gegnum sýninguna og gefa þeimnýja dýpt með því að tengja þau við atburði í lífi hennar”
SJ. Fréttablaðið ★ ★ ★ ★

“Búningahönnun Stefaníu Adolfsdóttur er bæði metnaðarfull og einstaklega vel heppnuð”
SJ. Fréttablaðið ★ ★ ★ ★

“Nauðsynlegt er líka að hrósa leikgervum Árdísar Bjarnþórsdóttur og þá sérstaklega hárgreiðslum Ellyjar”
SJ. Fréttablaðið ★ ★ ★ ★

“Hljóðvinnsla Garðars Borgþórssonar er einnig virkilega vel framkvæmd og mikilvægur þáttur í sýningunni”
SJ. Fréttablaðið ★ ★ ★ ★

“Meginstraumsleikhús eins og það gerist best og enginn svikinn af þessari skemmtun”
BS. Kastljós.

Kristín Ögmundsdóttir hefur verið ráðin framkvæmdastjóri Borgarleikhússins. Auglýst var eftir umsóknum í starfið í október sl. en alls bárust 37 umsóknir um starfið.

Kristín er hagfræðingur frá University of Wisconsin í Bandaríkjunum og með mastersgráðu í fjármálum frá Cass Business School í London Bretlandi. Undanfarin fjögur ár hefur hún starfað sem framkvæmdastjóri Íslenska dansflokksins. Þar áður vann Kristín hjá LVMH Christian Dior og Aurum Holdings í London.

„Starfið leggst mjög vel í mig. Ég hef unnið hjá Íslenska dansflokknum s.l. 4 ár og þekki því húsið vel og marga sem hér vinna. Starfið sjálft verður án efa krefjandi en um leið líflegt og spennandi. Borgarleikhúsið hefur iðað af lífi undanfarin ár og það verður gaman að taka þátt í því góða starfi sem þar er unnið,“ segir Kristín.

Stjórn LR fagnar ráðningu Kristínar og hlakkar til að vinna með henni að öllum þeim verkefnum sem framundan eru hjá Borgarleikhúsinu næstu leikárin.

312. sýningin af Leitinni að jólunum verður sýnd þann 17. desember. Sýningin hefur gengið í 12 ár alltaf á aðventunni og er þetta leiksýning fyrir fjölskylduna þar sem er farið í skoðunarferð um leikhúsið. Tveir skrýtnir og skemmtilegir náungar taka á móti litlum leikhúsgestum í anddyri Þjóðleikhússins. Með þeim í för eru tveir hljóðfæraleikarar og þessi fjörugi hópur leiðir börnin með leik og söng um leikhúsið. Börnin ferðast inn í ævintýraveröld jólanna og sjá leikþætti um jólin í gamla daga og á okkar tímum.

Raunar: Ólafur Egill Egilsson / Hallgrímur Ólafsson

Reyndar: Esther Talía Casey

Móðir: Edda Arnljótsdóttir

Strákur: Grettir Valsson / Egill Breki Sigurpálsson

Stúlka: Thea Snæfríður Kristjánsdóttir / Ísabella Rós Þorsteinsdóttir / Svava Sól Matthíasdóttir

Hljómar: Kjartan Valdimarsson

Breimar: Darri Mikaelsson

Sunnudaginn 12. nóvember verður 50. sýningin af Bláa hnettinum. Borgarleikhúsið bauð einnig öllum 5. bekkingum í Reykjavík á sýninguna síðasta sýningin var fimmtudaginn 9. nóvember.

Lengst úti í geimnum búa ótal börn sem fullorðnast ekki. Enginn skipar þeim fyrir verkum. Þau sofa þegar þau eru þreytt, borða þegar þau eru svöng og leika sér þegar þeim dettur í hug. Kvöld eitt birtist stjarna á himnum sem fellur til „jarðar“ með miklum látum.

Í reyknum mótar fyrir skuggalegum verum og þá hefst hættulegt ævintýri sem leiðir börnin um dimma skóga, djúpa dali og loftin blá. Reynir þá á vináttu og ráðsnilld barnanna sem aldrei fyrr. Blái hnötturinn er mikilvægt og hugmyndaríkt ævintýri, þar sem brýnt er fyrir fólki að sýna réttlæti og mannúð og um leið er það viðvörun að hlaupa ekki eftir innantómu stuði. Síðast en ekki síst er það ábending um að varðveita æskuna í sjálfum sér og öðrum.

Leikritið hefur farið sigurför um heiminn frá því það var frumsýnt árið 2001 og unnið til fjölda verðlauna. Þau Bergur Þór og Kristjana Stefánsdóttir taka Bláa hnöttinn í faðminn, semja söngtexta og tónlist og hafa fundið tuttugu og þrjú hæfileikarík börn til að taka þátt í sýningunni.

Úr gagnrýni 

„Það er unun að horfa á Bláa hnöttinn í Borgarleikhúsinu!“ DK. Hugras.is

„Þetta var fögur upplifun. Og það er sérstakt fagnaðarefni hvað við eigum ólýsanlegan fjársjóð í börnunum okkar, svo óendanlega hæfileikaríkum og örlátum á þá hæfileika.“ SA. tmm.is 

„Björn Stefánsson leikur Gleði-Glaum af verulega óþægilegri innlifun. Látæði hans, fimi, lifandi svipbrigði og einstök snerpa gerðu hann ósjálfrátt að þeim senuþjófi sem hann á auðvitað að vera.“ SA. tmm.is

„Gunnar Hrafn og Guðríður voru dásamleg í aðalhlutverkunum“ SA. tmm.is

„Börnin voru öll ótrúlega góð.“ SA. tmm.is

„Einn af hápunktunum var söngatriði Björgvins Inga Ólafssonar í hlutverki Örvars, sem söng eins og engill um geisla sólarinnar“ SBH. Mbl ★ ★ ★ ★

Vertu svona kona (úr hugarsmiðju Margaret Atwood, Guðfinnu Gunnarsdóttur og leikhópsins)
Leikstjóri: Guðfinna Gunnarsdóttir
Elín Gunnlaugsdóttir skrifar

Allir hafa sína sögu að segja, sérhver kona hefur sína sögu að segja. Þetta er útgangspunktur leikverksins Vertu svona kona sem Leikfélag Selfoss frumsýndi síðastliðinn föstudag. Leikverkið er byggt á textum eftir Margaret Atwood, Guðfinnu Gunnarsdóttur og leikhópsins. Í verkinu er raðað saman textum um konuna, sögu hennar, sögu margra kvenna. Einnig er velt upp hugtökum eins og ást og sýndar mismunandi myndir hennar sem stundum hverfast upp í andstæðu sína.

Eins og fyrr segir er verkið byggt í kringum texta kanadíska rithöfundarins Margret Atwood (1939). Textarnir eru sóttir í smásagna- eða prósasafn hennar Good Bones (1992). Í safni þessu skoðar Atwood goðsögur og ævintýri með feminískum augum. Hún skoðar hlutverk vondu stjúpunnar, heimsku konunnar og litlu gulu hænunnar og hvernig þessar sögur og goðsagnir hafa mótað hugmyndir okkar um konuna. Textar þessir eru bráðsnjallir og lýsa á kaldhæðinn og fyndinn hátt hlutverki konunnar í gegnum aldirnar. Það er einmitt í þessum textum sem verkið Vertu svona kona rís hvað hæst.

Allur leikhópurinn hefur stóru hlutverki að gegna í sýningunni og eru margar hópsenur sem settar eru upp með góðri tilfinningu fyrir sviðinu, sviðshreyfingum og möguleikum textans sem stundum var settur fram á kakófónískan hátt (leikendur tala ofaní hvorn annan). Senur þessar eru svo brotnar upp með samtölum og mónólógum (einræðum).

Leikhópurinn í þessari sýningu samanstendur að mestu af ungum leikurum þó einnig séu þar reyndir leikarar. Ekki er getið í leikskrá um hlutverk einstakra leikara enda stendur og fellur verkið með öllum leikhópnum og verður ekki annað sagt en að hann standi sig vel. Þeir leikarar sem fluttu einræður voru einnig mjög sannfærandi og hvað eftirminnilegastar af þeim voru einræður litlu gulu hænunnar og heimsku konunnar.

Öll umgjörð verkins er úthugsuð, lungað úr sýningunni stendur rauður sófi á sviðinu og að baki honum upplýstur bakgrunnur sem skiptir um lit eftir því sem við á. Leikmunir eru á hillum sín hvoru megin við sviðið og bækur standa í stöflum bakatil á sviðinu. Bækurnar koma svo alltaf meira og meira við sögu eftir því sem líður á sýninguna. En eins og allir vita geyma bækurnar okkar sögu.

Búningarnir í sýningunni undirstrika að í verkinu er ekki verið að draga upp mynd af konum og körlum sem einstaklingum heldur sem hópi. Konurnar eru í hvítum kjólum, með rauða svuntu og karlarnir eru í svörtu. Þegar endalokin nálgast taka þær af sér svunturnar og verða þá berskjaldaðri. Það má í raun segja að rautt sé litur sýningarinnar því oft eru ljósin líka rauð. Ég læt aðra um að túlka það litaval.

Tónlistin skipar stóran sess í sýningunni og er hún valin eða samin af Kristjönu Stefánsdóttur. Í fyrstu er tónlistin einföld, en þegar líður á verður hún flóknari og margræðari og styður þannig vel við dramatíska uppbyggingu verksins. Einkar áhrifamikil var tónlistin í kaflanum um Dauðann en þar leikur Kristjana sér með þekkta aríu úr óperunni Dido og Aeneas eftir H. Purcell. Megin texti þessarar aríu er ,,Remember me…” og áttu þau orð einkar vel við á þessum stað.

Það verður því ekki annað sagt en að hér hafi verið vandað til allra verka og Vertu svona kona er metnaðarfull sýning um staðalmyndir og stöðu konunnar. Sýningin höfðar til allra skilningarvita og fær mann um fram allt til að hugsa.

Markmið leikarabrautar er að útskrifa víðsýna og skapandi listamenn, sem búa yfir þeirri tækni og þekkingu, sem sviðslistaumhverfi nútímans kallar á. Lögð er áhersla á að vekja með nemandanum forvitni og áræðni, til að takast á við hin margvíslegu viðfangsefni námsins.

Mikið er lagt uppúr því að nemandinn tileinki sér sjálfstæði, sjálfsaga og fagmennsku, hann geti unnið jafnt einn á báti, sem og í hóp, hann ögri sjálfum sér til að hugsa út fyrir ramman en hafi jafnframt fullt vald á þeirri leiktækni, sem lögð er til grundvallar í náminu.

Á fyrsta ári leikarabrautar fær nemandinn góða undirstöðu í tæknigreinum. Kennd er raddbeiting, hreyfing og leiktúlkun, auk sviðslistasögu og söngs, þar sem stuðst er við svokallaða Complete Vocal Technique. Kenningar sem stuðst er við í leiktúlkun taka í megin dráttum mið af fræðum Konstantíns Stanislavski og arfleið hans, þótt önnur aðferðafræði komi einnig við sögu. Sameiginleg námskeið allra brauta deildarinnar eru mikilvægur þáttur námsins á þessu tímabili.

Á öðru ári er haldið áfram að dýpka tæknikunnáttu nemandans á öllum sviðum. Fræðakennsla tekur að mestu mið af leiktúlkunarnámskeiðum hverju sinni. Meðfram tímum í söng, rödd og hreyfingu, er áherslan í leiktúlkun á senuvinnu úr verkum Forn Grikkja og Shakespeare. Nemendur fá einnig þjálfun í aðferðum leikhúss líkamans (Physical Theatre) og vinna auk þess sjálfstætt að stuttu einstaklingsverkefni. Á öðru ári fær nemandinn einnig kennslu í kvikmyndaleik og þeim vinnuaðferðum sem sá miðill kallar á.

Þriðja árið er ár úrvinnslu. Lögð er áhersla á að efla skilning nemandans á ólíkum aðferðum leikhússins. Nemandinn nýtur enn kennslu í fræðum og tæknigreinum s.s rödd, hreyfingu og söng, en stefnumótið við áhorfandann fær nú síaukið vægi. Stórum námskeiðum, þar sem tekist er á við leikverk frá 20.öld, samsettar aðferðir,(devised) og umfangsmikið einstaklingsverkefni, lýkur öllum með sýningum fyrir áhorfendur. Nemendur ljúka söngnáminu með sviðsettum tónleikum og vinna einnig að útvarpsverkefni. Lokaárinu lýkur svo með fullbúinni leiksýningu, sem er hið formlega útskriftarverkefni.

Umsóknarferli

Umsóknin

Inntökuskilyrði

Undanþágur vegna inntöku

Harmrænn farsi eftir eitt þekktasta samtímaleikskáld Frakka.

André er tekinn að eldast. Á árum áður starfaði hann sem verkfræðingur. Eða var hann kannski steppdansari? Bláókunnugt fólk birtist á heimili hans og segist vera dóttir hans og maður hennar. Hver dirfist að halda því fram að hann geti ekki séð um sig sjálfur? Er verið að spila með hann? Getur verið að hann sé farinn að tapa áttum? Er heilinn farinn að gefa sig? Eða er heimurinn sjálfur genginn af göflunum?

Óvenjulegt og áhrifamikið verk um viðkvæmt málefni, fullt af sársauka og húmor.

★★★★

 

Fátt er eins æsandi í leikhúsi og stjörnuleikur í þessum gæðaflokki.

Mbl. Þ.T.

Frábær er eina orðið yfir Eggert Þorleifsson í þessari sýningu. Ég hef aldrei séð hann svona góðan.

Sjónvarpið, Menningin, M.K.

 

undursamleg sýning sem fær mann til þess að hlæja og gráta …

 

Víðsjá, RÚV, G.B.

Allur leikhópurinn var frábær.

 Hugrás, D.K.

Nánar um verkið

Skáldsagan Maður sem heitir Ove (En man som heter Ove) eftir Fredrik Backman kom út í Svíþjóð árið 2012. Hún varð strax metsölubók, var þýdd yfir á fjölmörg tungumál og hefur komið út í yfir tuttugu löndum. Leikgerð skáldsögunnar var frumsýnd í ársbyrjun 2015 í Stokkhólmi í flutningi leikarans Johans Rheborgs og naut mikilla vinsælda. Fyrirhugaðar eru fleiri uppsetningar á verkinu í nokkrum löndum á vegum sænska
fyrirtækisins Thorsson Produktion AB og er sú næsta ráðgerð hjá Oslo Nye Teater í Noregi.

Sænsk kvikmynd byggð á verkinu var frumsýnd í árslok 2015 með Rolf Lassgård í aðalhlutverki. Kvikmyndin var tilnefnd til sex Guldbagge-verðlauna, meðal annars í flokknum mynd ársins, og hlaut Lassgård verðlaunin sem besti leikari í aðalhlutverki.

Höfundur verksins, Fredrik Backman, er fæddur árið 1981. Hann vakti fyrst athygli sem bloggari og dálkahöfundur. Fyrstu skáldsögur hans komu út samtímis árið 2012, Maður sem heitir Ove og Saker min son behöver veta om världen.

Á næstu tveimur árum komu út skáldsögurnar Min mormor hälsar och säger förlåt og Britt-Marie var här. Skáldsögur Backmans hafa notið mikillar hylli í Svíþjóð og hafa verið gefnar út á meira en tuttugu og fimm tungumálum. Nýjasta skáldsaga hans, Björnstad, kemur út nú í haust.

★★★★ „Þetta gengur allt upp …. þjóðargersemi fagnar fjörutíu árum á sviðinu“ Mbl.

★★★★ „túlkar Ove með framúrskarandi hætti … full ástæða til þess að hvetja leikhúsáhorfendur til þess að sjá þennan vel heppnaða einleik“ DV