Litla svið Borgarleikhússins: Hver er ég? Er ég það sem ég held að ég sé? Eða það sem þú heldur að ég sé? Er ég kannski bara það sem ég held að þú haldir að ég sé? Í sturlaðri von um að vera nógu æðisleg, sexý, fyndin og þroskuð engjumst við um í baráttunni við ófullkomleikann. Við finnum fiðringinn þegar við hljótum viðurkenningu umhverfisins en fyllumst einmanaleika og skömm þegar við afhjúpum okkur. Er ég nógu góð? Er ég best? Er ég yfirhöfuð eitthvað án tungumáls, kyns, þjóðernis…og vegabréfs? HÚH!

Leikhópurinn RaTaTam hefur á skömmum tíma orðið þekktur fyrir afgerandi sýningar. Með hlýju, húmor, leik og tónlist skoðar hópurinn ófullkomleika mannsins, draumasjálfið, leyndarmál og landamæri; hvernig sjálfsmyndin þyrlast um allslaus og nakin í hrárri og skynlausri hreinskilni. Fyrri verk RaTaTam eru heimildasýningin Suss! sem byggði á reynslusögum fólks um heimilisofbeldi og Ahhh… verk um ástina sem gert var upp úr textum Elísabetar Jökulsdóttur og hefur leikhópurinn hlotið verðskuldaða viðurkenningu, tilnefningar og verðlaun auk þess hefur honum verið boðið á leiklistarhátíðir víðs vegar um Evrópu.

Verkið er styrkt af Leiklistarráði, Starfslaunasjóði listamanna og Reykjavíkurborg.

Matthildur sló rækilega í gegn í Borgarleikhúsinu á síðasta leikári og heldur nú sigurgöngunni áfram á Stóra sviðinu með sínum kraftmikla barna- og leikarahópi. Þessi magnaði söngleikur byggir á sögu Roalds Dahl og fjallar um Matthildi, óvenjulega gáfaða og bókelska stúlku með afar ríkt ímyndunarafl. Foreldrar hennar eru hins vegar fáfróð og óhefluð og skólastjórinn hreinasta martröð. Matthildur lumar á ýmsum ráðum gegn ranglæti og heimskupörum og tekst að vinna sér sess í veröldinni með samviskuna og hugrekkið að leiðarljósi.

Leikstjóri er Bergur Þór Ingólfsson sem á að baki stóra söngleikjasigra á borð við uppfærslurnar á Billy Elliot og Bláa hnettinum.

Sýningin var kosin sýning ársins í Sögum – menningarverðlaunum barna en um þau verðlaun er kosið eingöngu af börnum. Söngleikurinn fékk einnig tvenn Grímuverðlaun á Íslensku sviðslistaverðlaununum árið 2019; Vala Kristín Eiríksdóttir var leikkona ársins í aukahlutverki og Lee Proud fékk verðlaun fyrir dans- og sviðshreyfingar ársins.

Einstaklega falleg og skemmtileg brúðusýning fyrir alla fjölskylduna, byggð á þjóðsögunni um skessuna Gilitrutt.
Sagan segir frá bóndakonunni Freyju sem er löt til verka og lendir í klónum á Gilitrutt fyrir vikið, en lærir af þeim samskiptum að rækja skyldur sínar og taka ábyrgð á eigin gjörðum.
Brúðumeistarinn Bernd Ogrodnik segir að þessi sýning sé ástaróður sinn til Íslands. Hlýhugur hans til landsins birtist meðal annars í natni við gerð hinnar fallegu leikmyndar, sem er unnin úr þæfðri ull, og brúðunum, sem eru tálgaðar úr íslensku birki. Sýningin er mikið sjónarspil og ber listfengi Bernds fagurt vitni.

Gilitrutt hlaut Grímuverðlaunin sem barnasýning ársins 2011.

Leikfélag Akureyrar frumsýnir 5. október
Ný íslensk og æsispennandi fjölskyldusýning sem sýnir kunnuglegar og áður óþekktar þjóðsagnapersónur á nýstárlegan og skemmtilegan hátt
Í Hringvallaskóla opnast fyrir algjöra slysni gátt inn í heim íslenskra þjóðsagna. Saklausum sjöundabekking, Jóni Árnasyni er í kjölfarið rænt af Húmskollunni skelfilegu svo bekkjarsystkini hans Sóley og Bjartur leggja upp í háskaför honum til bjargar. Við tekur æsispennandi atburðarás þar sem hinar ýmsu kynjaverur íslenskra þjóðsagna koma fyrir, Nykur, Skoffín og Skuggabaldur ásamt fleirum. Ná þau að bjarga Jóni Árnasyni? Er Nykrinum treystandi? Hver á augun í myrkrinu? Hver er þessi Húmskolla? Er einhver leið að komast lifandi aftur til mannheima?  

Galdragáttin og þjóðsagan sem gleymdist er nýtt íslenskt barnaleikrit úr smiðju Umskiptinga, í leikstjórn Agnesar Wild og stútfullt af skemmtilegri tónlist eftir norðlenska dúóið Vandræðaskáld. Verkefnið hlaut styrk Leiklistarráðs og listamannalaun. Samstarf Menningarfélags Akureyrar og Umskiptinga.

Höfundar: Leikhópurinn UmskiptingarLeikstjórn: Agnes Wild
Leikarar: Hjalti Rúnar Jónsson, Jenný Lára Arnórsdóttir, Jóhann Axel Ingólfsson, Margrét Sverrisdóttir, Sesselía Ólafsdóttir, Vilhjálmur B. Bragason
Tónlist: Vandræðaskáld
Leikmynd og búningar: Auður Ösp Guðmundsdóttir
Sviðshreyfingar: Katrín Mist Haraldsdóttir
Ljósahönnun: Lárus Heiðar Jónsson
Sýningin er styrkt af Mennta- og menningarmálaráðuneyti – Leiklistarráði

Þjóðleikhúsið frumsýnir nýtt Íslensk verk fimmtudaginn 19. September.
Verkið er eftir Auði Övu Ólafsdóttur og leikstjóri er Ólafur Egill Egilsson.

Verkið fjallar um Jónas Ebeneser, fráskilinn karlmann á miðjum aldri sem fær að vita að uppkomin dóttir hans, Vatnalilja, er í raun barn annars manns. Vængbrotinn og í djúpri tilvistarkreppu reynir Jónas að átta sig á hlutverki sínu í þessum heimi og skilja konur, rétt eins og Svanur, nágranni hans og kórfélagi. Í lífi Jónasar eru þrjár konur; Stella móðir hans sem dvelur á dvalarheimili og er gagntekin af tölfræði stríða, líffræðingurinn Vatnalilja sem er sérfræðingur í súrnun sjávar og innflytjandinn Maí sem starfar á dvalarheimilinu og tekst á við fortíð í stríðshrjáðu landi. En konur geta verið flóknar og margt sem þær varðar sannkölluð ráðgáta. Eða hvað á kona við þegar hún segir við karlmann að hann rekist utan í sjóndeildarhring hennar?
Leikritið ÖR (eða Maðurinn er eina dýrið sem grætur) er í senn órætt, fyndið og ágengt, og spyr áleitinna spurninga um lífið og dauðann, samskipti kynjanna og leit að samastað í veröldinni.
Athygli er vakinn á því að boðið verður upp á 20 mín. umræður eftir 6. sýningu sunnudagskvöldið 6. Október.

Með helstu hlutverk fara: Baldur Trausti Hreinsson, Guðrún S. Gísladóttir, Birgitta Birgisdóttir, Pálmi Gestsson og Hildur Vala Baldursdóttir

Íslensku sviðslista­verðlaun­in Grím­an voru af­hent í kvöld við hátíðlega at­höfn í Þjóðleik­hús­inu og var sýnt frá hátíðinni í beinni út­send­ingu á RÚV. Upp­færsla Borg­ar­leik­húss­ins á Rík­h­arði III. eft­ir William Shakespeare hlaut flest verðlaun, sex tals­ins, var til­nefnd til átta og var því óum­deild­ur sig­ur­veg­ari kvölds­ins.

Grímu­verðlaun­in 2019:

Sýn­ing árs­ins: Rík­h­arður III

Leik­rit árs­ins: Club Rom­antica

Leik­stjóri árs­ins: Bryn­hild­ur Guðjóns­dótt­ir fyr­ir Rík­h­arð III

Leik­ari árs­ins í aðal­hlut­verki: Hjört­ur Jó­hann Jóns­son fyr­ir Rík­h­arð III

Leik­kona árs­ins  í aðal­hlut­verki: Sól­veig Guðmunds­dótt­ir fyr­ir Rejúníon

Leik­ari árs­ins  í auka­hlut­verki: Stefán Hall­ur Stef­áns­son fyr­ir Samþykki

Leik­kona árs­ins  í auka­hlut­verki: Vala Krist­ín Ei­ríks­dótt­ir fyr­ir Matt­hildi

Leik­mynd árs­ins: Ilm­ur Stef­áns­dótt­ir fyr­ir Rík­h­arð III

Bún­ing­ar árs­ins: Fil­ipp­ía I. Elís­dótt­ir fyr­ir Rík­h­arð III

Lýs­ing árs­ins: Björn Berg­steinn Guðmunds­son fyr­ir Rík­h­arð III

Tónlist árs­ins: Daní­el Bjarna­son fyr­ir Brot­h­ers

Hljóðmynd árs­ins: Karl Ol­geirs­son, Aron Þór Arn­ar­son og leik­muna­deild Þjóðleik­húss­ins fyr­ir Ein­ræðis­herr­ann

Söngv­ari árs­ins: Her­dís Anna Jón­as­dótt­ir fyr­ir La Tra­viata

Dans – og sviðshreyf­ing­ar árs­ins: Lee Proud fyr­ir Matt­hildi

Dans­ari árs­ins: Bára Sig­fús­dótt­ir fyr­ir The Lover

Dans­höf­und­ur árs­ins: Bára Sig­fús­dótt­ir fyr­ir The Lover

Útvarps­verk árs­ins: SOL

Sproti árs­ins: Matth­ías Tryggvi Har­alds­son

Barna­sýn­ing árs­ins:  Ronja ræn­ingja­dótt­ir

Heiður­sverðlaun Sviðslista­sam­bands:  Þór­hild­ur Þor­leifs­dótt­ir

Þjóðleikhúsið sýnir Kardemommubæinn á 70 ára afmælisári.

Þjóðleikhúsið mun fagna 70 ára afmæli sínu á næsta leikári og af því tilefni verður Kardemommubærinn, eftirlætisleikrit íslenskra barna, settur á svið. Miðasala hefst í haust. Aðsókn í Þjóðleikhúsið á síðasta ári var sú mesta í 40 ár og það sem af er árinu 2019 hefur gestafjöldi aukist enn meira.

Verk norska listamannsins Thorbjörns Egners hafa verið samofin starfi Þjóðleikhússins allt frá því að Kardemommubærinn var frumsýndur hér árið 1960. Skáldskapur Egners rataði beint að hjarta íslenskra barna og Kardemommubærinn og Dýrin í Hálsaskógi hafa verið sett á svið á Stóra sviði Þjóðleikhússins reglulega allar götur síðan, enda verður hver kynslóð að fá að sjá sinn Kardemommubæ! Verkið er nú sett upp í Þjóðleikhúsinu í sjötta sinn, og er við hæfi að það sé afmælissýning Þjóðleikhússins á 70 ára afmæli þess, enda hefur Þjóðleikhúsið alla tíð lagt sérstaka áherslu á veglegar barnasýningar. Er þar skemmst að minnast hinnar geysivinsælu sýningar Ronju ræningjadóttur, sem var sýnd nær 100 sinnum á þessu leikári, og verður aftur tekin til sýninga í haust og hinnar nýstárlegu sýningar Þitt eigið leikrit I – Goðsaga, en báðar hafa þær verið tilnefndar til Grímunnar 2019 sem barnasýning ársins.

Kardemommubær er hreint indæll bær, fullur af skemmtilegum dýrum og litríkum íbúum. En þrennt ógnar þó friðsældinni í bænum, þrír kostulegir ræningjar, ógurlega ljónið þeirra sem elskar mjólkursúkkulaði og hin ráðríka og skapstygga Soffía frænka! Þegar ræningjarnir láta sér detta í hug að ræna sjálfri Soffíu frænku til sjá um húsverkin færist nú heldur betur fjör í leikinn. Fjöldi leikara, barna og tónlistarmanna tekur þátt í þessari bráðskemmtilegu og kraftmiklu sýningu, þar sem yndislegu sönglögin hans Egners gleðja jafnt ung og gömul hjörtu!

Örn Árnason fer með hlutverk Bastíans bæjarfógeta. Hann leikur nú í sjöunda sinn í leikriti eftir Egner í Þjóðleikhúsinu og hefur áður leikið alla ræningjana þrjá! Faðir hans, Árni Tryggvason, lék Bastían bæjarfógeta árið 1974, en Árni lék í alls sex Egner-sýningum á leikferli sínum, og var hinn eini sanni Lilli klifurmús í augum margra kynslóða.

Höfundur: Thorbjörn Egner. Þýðandi : Hulda Valtýsdóttir. Þýðing söngtexta: Kristján frá Djúpalæk. Leikstjórn: Ágústa Skúladóttir. Leikmynd: Högni Sigurþórsson. Búningar: María Th. Ólafsdóttir. Tónlistarstjórn: Karl Olgeirsson

Leikarar: Guðjón Davíð Karlsson, Hallgrímur Ólafsson og Oddur Júlíusson (ræningjarnir), Steinunn Ólína Þorsteinsdóttir (Soffía frænka), Örn Árnason (Bastían bæjarfógeti), Þórhallur Sigurðsson (Tobías í turninum) og fleiri.

Hér að neðan má sjá allar tilnefningar til Grímunnar í ár en verðlaunin verða afhent eftir viku, miðvikudaginn 12. júní.

Sýning ársins

Allt sem er frábært 

Eftir Duncan Macmillan, þýðing Kristín Eiríksdóttir

Sviðsetning – Borgarleikhúsið

Club Romantica 

Eftir Friðgeir Einarsson

Sviðsetning – Leikhópurinn Abendshow og Borgarleikhúsið

Kabarett 

Eftir Joe Masteroff og Fred Ebb

Sviðsetning – Menningarfélag Akureyrar

Ríkharður III 

Eftir William Shakespeare, þýðing Kristján Þórður Hrafnsson

Sviðsetning – Borgarleikhúsið

The Lover 

Eftir Báru Sigfúsdóttur

Sviðsetning – Bára Sigfúsdóttir í samstarfi við Tjarnarbíó og Listahátíð í Reykjavík

Leikrit ársins

Club Romantica

Eftir Friðgeir Einarsson

Sviðsetning – Leikhópurinn Abendshow og Borgarleikhúsið

Griðastaður

Eftir Matthías Tryggva Haraldsson

Sviðsetning – Allir deyja leikfélag í samstarfi við Tjarnarbíó

Rejúníon

Eftir Sóleyju Ómarsdóttur

Sviðsetning – Lakehouse í samstarfi við Tjarnarbíó

SOL

Eftir Hilmi Jensson og Tryggva Gunnarsson

Sviðsetning – RÚV Útvarpsleikhús í samstarfi við Sóma þjóðar

Súper

Eftir Jón Gnarr

Sviðsetning – Þjóðleikhúsið

Leikstjóri ársins

Benedikt Erlingsson

Súper

Sviðsetning – Þjóðleikhúsið

Brynhildur Guðjónsdóttir

Ríkharður III

Sviðsetning – Borgarleikhúsið

Gréta Kristín Ómarsdóttir 

Bæng

Sviðsetning – Borgarleikhúsið

Marta Nordal

Kabarett

Sviðsetning – Menningarfélag Akureyrar

Ólafur Egill Egilsson

Allt sem er frábært

Sviðsetning – Borgarleikhúsið

Pétur Ármannsson

Club Romantica

Sviðsetning – Leikhópurinn Abendshow og Borgarleikhúsið

Leikari ársins í aðalhlutverki

Björn Thors

Bæng

Sviðsetning – Borgarleikhúsið

Guðjón Davíð Karlsson

Loddarinn

Sviðsetning – Þjóðleikhúsið

Hjörtur Jóhann Jónsson

Ríkharður III

Sviðsetning – Borgarleikhúsið

Jörundur Ragnarsson

Griðastaður

Sviðsetning – Allir deyja leikfélag í samstarfi við Tjarnarbíó

Valur Freyr Einarsson

Allt sem er frábært

Sviðsetning – Borgarleikhúsið

Leikari ársins í aukahlutverki

Arnmundur Ernst Backman 

Súper

Sviðsetning – Þjóðleikhúsið

Halldór Gylfason 

Bæng

Sviðsetning – Borgarleikhúsið

Pálmi Gestsson

Jónsmessunæturdraumur

Sviðsetning – Þjóðleikhúsið

Sigurður Þór Óskarsson 

Kæra Jelena

Sviðsetning – Borgarleikhúsið

Stefán Hallur Stefánsson 

Samþykki

Sviðsetning – Þjóðleikhúsið

Leikkona ársins í aðalhlutverki

Edda Björg Eyjólfsdóttir

Ríkharður III

Sviðsetning – Borgarleikhúsið

Halldóra Geirharðsdóttir

Kæra Jelena

Sviðsetning – Borgarleikhúsið

Kristín Þóra Haraldsdóttir

Samþykki

Sviðsetning – Þjóðleikhúsið

Sólveig Guðmundsdóttir

Rejúníon

Sviðsetning – Lakehouse í samstarfi við Tjarnarbíó

Unnur Ösp Stefánsdóttir

Dúkkuheimili annar hluti

Sviðsetning – Borgarleikhúsið

Leikkona ársins í aukahlutverki

Brynhildur Guðjónsdóttir

Bæng

Sviðsetning – Borgarleikhúsið

Ebba Katrín Finnsdóttir

Matthildur

Sviðsetning – Borgarleikhúsið

Kristín Þóra Haraldsdóttir

Loddarinn

Sviðsetning – Þjóðleikhúsið

Vala Kristín Eiríksdóttir 

Matthildur

Sviðsetning – Borgarleikhúsið

Vigdís Hrefna Pálsdóttir

Súper

Sviðsetning – Þjóðleikhúsið

Leikmynd ársins

Auður Ösp Guðmundsdóttir

Kabarett

Sviðsetning – Menningarfélag Akureyrar

Gretar Reynisson

Súper

Sviðsetning – Þjóðleikhúsið

Ilmur Stefánsdóttir

Ríkharður III

Sviðsetning – Borgarleikhúsið

Ilmur Stefánsdóttir

Matthildur

Sviðsetning – Borgarleikhúsið

**Noémie Goudal og 88888 / Jeroen Verrecht **

The Lover

Sviðsetning – Bára Sigfúsdóttir í samstarfi við Tjarnarbíó og Listahátíð í Reykjavík

Búningar ársins

Auður Ösp Guðmundsdóttir 

Kabarett

Sviðsetning – Menningarfélag Akureyrar

Eva Signý Berger

Bæng

Sviðsetning – Borgarleikhúsið

Eva Signý Berger ásamt Jóní Jónsdóttur, Sveinbjörgu Þórhallsdóttur og Steinunni Ketilsdóttur

Atómstjarna

Sviðsetning – Atómstjarna í samstarfi við Listahátíð í Reykjavík

Filippía I. Elísdóttir

Súper

Sviðsetning – Þjóðleikhúsið

Filippía I. Elísdóttir

Ríkharður III

Sviðsetning – Borgarleikhúsið

Lýsing ársins

Björn Bergsteinn Guðmundsson

Ríkharður III

Sviðsetning – Borgarleikhúsið

Björn Bergsteinn Guðmundsson

Pottþétt myrkur

Sviðsetning – Íslenski dansflokkurinn

Jóhann Friðrik Ágústsson

Súper

Sviðsetning – Þjóðleikhúsið

Kris Van Oudenhove

The Lover

Sviðsetning – Bára Sigfúsdóttir í samstarfi við Tjarnarbíó og Listahátíð í Reykjavík

Þórður Orri Pétursson

Matthildur

Sviðsetning – Borgarleikhúsið

Tónlist ársins

Borko/ Björn Kristjánsson

The Lover

Sviðsetning – Bára Sigfúsdóttir í samstarfi við Tjarnarbíó og Listahátíð í Reykjavík

Daníel Bjarnason

Brothers

Sviðsetning – Íslenska Óperan í samstarfi við Listahátíð í Reykjavík

Snorri Helgason

Club Romantica

Sviðsetning – Leikhópurinn Abendshow og Borgarleikhúsið

Sveinbjörn Thorarensen

Traces

Sviðsetning – Rósa Ómarsdóttir, Kunstenverkplaats Pianofabriek í samstarfi við Tjarnarbíó

Þorvaldur Bjarni Þorvaldsson

Gallsteinar afa Gissa

Sviðsetning – Leikfélag Akureyrar

it is disabled in your browser.</div></div>

Hljóðmynd ársins

Baldvin Þór Magnússon og Daníel Bjarnason

Ríkharður III

Sviðsetning – Borgarleikhúsið

Elvar Geir Sævarsson og Kristinn Gauti Einarsson

Þitt eigið leikrit – Goðsaga

Sviðsetning – Þjóðleikhúsið

Garðar Borgþórsson

Óður og Flexa; Rafmagnað ævintýri

Sviðsetning – íslenski dansflokkurinn

Karl Olgeirsson, Aron Þór Arnarson og leikmunadeild Þjóðleikhússins

Einræðisherrann

Sviðsetning – Þjóðleikhúsið

Sveinbjörn Thorarensen

Traces

Sviðsetning – Rósa Ómarsdóttir, Kunstenverkplaats Pianofabriek í samstarfi við Tjarnarbíó

Söngvari ársins

Björk Níelsdóttir

Plastóperan

Sviðsetning – Óperudagar

Guðjón Davíð Karlsson

Jónsmessunæturdraumur

Sviðsetning – Þjóðleikhúsið

Herdís Anna Jónasdóttir

La Traviata

Sviðsetning – Íslenska óperan

Hrólfur Sæmundsson

La Traviata

Sviðsetning – Íslenska óperan

Oddur Arnþór Jónsson

Brothers

Sviðsetning – Íslenska óperan

Dans- og sviðshreyfingar ársins

Anja Gaardbo og Kasper Ravnhöj

Einræðisherrann

Sviðsetning – Þjóðleikhúsið

Birna Björnsdóttir og Auður B. Snorradóttir

Ronja ræningjadóttir

Sviðsetning – Þjóðleikhúsið

Lee Proud

Kabarett

Sviðsetning – Menningarfélag Akureyrar

Lee Proud

Matthildur

Sviðsetning – Borgarleikhúsið

Sveinbjörg Þórhallsdóttir

Dúkkuheimili annar hluti

Sviðsetning – Borgarleikhúsið

Barnasýning ársins

Gallsteinar afa Gissa

Eftir Karl Ágúst Úlfsson og Kristínu Helgu Gunnarsdóttur

Sviðsetning – Leikfélag Akureyrar

Óður og Flexa; Rafmagnað ævintýri

Eftir Hannes Þór Egilsson og Þyri Huld Árnadóttir

Sviðsetning – Íslenski dansflokkurinn

Rauðhetta

Eftir Snæbjörn Ragnarsson

Sviðsetning – Leikhópurinn Lotta í samstarfi við Tjarnarbíó

Ronja ræningjadóttir

Eftir Astrid Lindgren

Sviðsetning – Þjóðleikhúsið

Þitt eigið leikrit – Goðsaga

Eftir Ævar Þór Benediktsson

Sviðsetning – Þjóðleikhúsið

Dansari ársins

Bára Sigfúsdóttir

The Lover

Sviðsetning – Bára Sigfúsdóttir í samstarfi við Tjarnarbíó og Listahátíð í Reykjavík

Elín Signý W. Ragnarsdóttir

Pottþétt myrkur

Sviðsetning – Íslenski dansflokkurinn

Ernesto Camilo Aldazabal Valdes

Óður og Flexa; Rafmagnað ævintýri

Sviðsetning – Íslenski dansflokkurinn

Snædís Lilja Ingadóttir

Verk nr. 1,5

Sviðsetning – Galdur Productions í samstarfi við Vorblót Tjarnarbíós og Reykjavík Dance Festival

Una Björg Bjarnadóttir

Verk nr. 1

Sviðsetning – Íslenski dansflokkurinn

Danshöfundur ársins

Bára Sigfúsdóttir

The Lover

Sviðsetning – Bára Sigfúsdóttir í samstarfi við Tjarnarbíó og Listahátíð í Reykjavík

Erna Ómarsdóttir í samvinnu við dansara ÍD

Pottþétt myrkur

Sviðsetning – Íslenski dansflokkurinn

Marmarabörn

Moving Mountains in Three Essays

Sviðsetning – Marmarabörn í samstarfi við Þjóðleikhúsið

Rósa Ómarsdóttir

Traces

Sviðsetning – Rósa Ómarsdóttir, Kunstenverkplaats Pianofabriek í samstarfi við Tjarnarbíó

Steinunn Ketilsdóttir

Verk nr. 1

Sviðsetning – Íslenski dansflokkurinn

Útvarpsverk ársins

Bónusferðin

Eftir Bjarna Jónsson, Ragnar Ísleif Bragason, Árna Vilhjálmsson og Friðgeir Einarsson.

Leikstjórn; Bjarni Jónsson, Ragnar Ísleifur Bragason, Árni Vilhjálmsson og Friðgeir Einarsson.

Í sviðsetningu Útvarpsleikhússins – RÚV í samstarfi við Kriðpleir.

Með gat á hjartanu í laginu eins og Guð

Eftir Jón Atla Jónasson

Leikstjórn Egill Heiðar Anton Pálsson

Í sviðsetningu Útvarpsleikhússins – RÚV í samstarfi við Borgarleikhúsið

**SOL **

Eftir Hilmi Jensson og Tryggva Gunnarsson

Leikstjórn Hilmir Jensson og Tryggvi Gunnarsson

Í sviðsetningu Útvarpsleikhússins – RÚV í samstarfi við Sóma þjóðar

Sproti ársins

María Thelma Smáradóttir

Matthías Tryggvi Haraldsson

Sigríður Vala Jóhannsdóttir

Sóley Ómarsdóttir

Óperudagar

Yfirnáttúrulegur og gáskafullur barna- og fjölskyldusöngleikur með fáránlegri atburðarás sem gæti gerst í öðru hverju húsi á Akureyri.

Torfi og Gríma búa við fyrstu sýn á ósköp venjulegu heimili, en ekki er allt sem sýnist. Mamma þeirra er stjórnsamur skipanaforingi. Pabbinn er viðutan vinnusjúklingur. Bróðirinn er ótemjandi unglingaskrímsli. Systkinin, Torfa og Grímu, dreymir um afslappað heimilislíf, gæludýr og gotterí. Þau hafa fengið nóg af hollustufæði, hreingerningum og skipunum. Þau langar að flytja til afa Gissa, sem er síkátur sjóari á farskipum. Þar væru þau hamingjusöm. En skyndilega fær afi Gissi gallsteinakast sem hefur afdrifaríkar afleiðingar fyrir Torfa og Grímu og fjölskylduna að Sólblómavöllum sautján.

Geta óskir verið hættulegar? Geta gallsteinar látið fólk hverfa sporlaust? Eru kókosbollur mikilvægur morgunverður? Er gott að allar óskir rætist?

Nýr fjölskyldusöngleikur eftir Kristínu Helgu Gunnarsdóttur, Þorvald Bjarna Þorvaldsson og Karl Ágúst Úlfsson í leikstjórn Ágústu Skúladóttur.

Höfundar: Kristín Helga Gunnarsdóttir, Karl Ágúst Úlfsson og Þorvaldur Bjarni Þorvaldsson.
Leikstjórn: Ágústa Skúladóttir
Tónlist: Þorvaldur Bjarni Þorvaldsson
Leikmynd og búningar: Þórunn María Jónsdóttir
Söngtextar: Karl Ágúst Úlfsson
Danshreyfingar og aðstoðarleikstjóri: Katrín Mist Haraldsdóttir
Lýsing: Lárus Heiðar Sveinsson
Hljóð: Gunnar Sigurbjörnsson
Leikarar: Benedikt Karl Gröndal, Birna Pétursdóttir, Jóhann Axel Ingólfsson, Karl Ágúst Úlfsson, María Pálsdóttir, Margrét Sverrisdóttir.

Með hlutverk barnanna fara Þórgunnur Una Jónsdóttir, Steingerður Snorradóttir, Örn Heiðar Lárusson og Daníel Freyr Stefánsson.

Meistaraverk Charlies Chaplins á leiksviði, í bráðskemmtilegri, nýrri gerð.

Leikgerð Nikolajs Cederholms af kvikmyndinni Einræðisherranum sló rækilega í gegn hjá Nørrebro-leikhúsinu í Kaupmannahöfn á liðnu leikári, og gagnrýnendur hlóðu lofi á sýninguna! Leiksýningin er á sinn hátt óður til þessa meistaraverks Chaplins, en um leið vísar hún til samtímans, líkt og kvikmynd Chaplins gerði á sínum tíma.

Nú gefst íslenskum leikhúsgestum kostur á að sjá Sigga Sigurjóns stíga á svið í hlutverki flækingsins sem verður einræðisherra fyrir röð mistaka. Ilmur Kristjáns, Pálmi Gests, Ólafía Hrönn, Gói, Þröstur Leó, Hallgrímur Ólafsson, Sigurður Þór og Oddur Júlíusson fara á kostum í takt við listilegar hljóðbrellur Karls Olgeirssonar píanóleikara.

Heillandi, bráðskemmtileg og frumleg leiksýning um valdasýki, möguleika mennskunnar í trylltri veröld og baráttuna fyrir friði í heiminum.