VIÐTALIÐ: BAK VIÐ TJÖLDIN

Hver ert þú og hvað ertu að gera í dag?
Sitt af hvoru kómískt. Aðalverkið er uppsetning á nýrri kómedíu, Tindátarnir, sem er byggt á samnefndri ljóðabók eftir vestfirska skáldið Stein Steinarr. Hér erum við að feta nýjar slóðir í okkar kómedíu því þetta er skuggabrúðuleiksýning, það höfum við ekki fengist við áður. Leikstjóri er Þór Tuliníus og frumsýnt
verður 30. september í Kómedíuleikhúsinu Haukadal.

Í hvaða stjörnumerki ertu?
Vatnsberi einsog Alice Cooper erum meira að segja fæddir sama dag þó ekki
ár þar skeikar nokkrum.

Hvað ætlaðir þú að verða þegar þú yrðir stór?
Kúreki enda er ég alinn upp í vestrinu eina. Þegar ég var sex vetra lék ég eitt af Grýlubörnunum á Þrettándagleði Leikfélagsins Baldurs á Bíldudal þá lagði ég kaboj vestið á hilluna og hef síðan bara leikið mér.

Hver er þinn helsti kostur og helsti galli?
Vá örugglega heill hellingur. Ég er alinn þannig upp að betra sé að segja já en nei við vanda hverjum. Held það geti verið meiri kostur en galli enda er ekki vandamál heldur bara lausnir að huxa með opinn haus finnst mér gaman. Einsog flestir Arnfirðingar þá er ég þrjóskur það getur verið galli á stundum. En stærsti gallinn er líklega að ég framkvæmi oft áður en ég huxa.

Hver er uppáhaldsmaturinn þinn?
Sushi sérlega hið vestfirska frá Jötunn átvagni.

Hvaða sýningu sástu síðast í leikhúsi?
Síðast sá ég slatta af sýningum á þremur dögum það var á Act alone
leiklistarhátíðinni á Suðureyri. Allar voru þær einstakar og erfitt að gera uppá milli. Stutta svarið er að þær fengu mann allar til að huxa hver á sinn hátt, stundum leiklega séð, stundum tæknilega séð og þetta var bara hin frábæra endurmenntun.

Hvaða áhugamál áttu þér?
Er svo einfaldur að það er bara vinnan, leikhúsið. Að viðbættum listum og þá sérlega myndlist. Í dag sæki ég mikið í myndlistarsýningar sem kveikja ávallt hressilega uppí sköpunarkollinum. Síðast en ekki síst er það lestur fer aldrei að sofa nema lesa fyrst og allra best finnst mér að lesa nokkrar bækur í einu.

Hvernig tónlist hlustar þú mest á?
Nokk fjölbreytt þegar þetta er párað er ég að hlusta á Hörð Torfa á vinyl. Á vinnustofunni er ég nánast alltaf með einhverja músík á. Svo er bara spurning hvað er undir nálinni eða á Spottifæinu eftir því hvað maður er að gera. Ef ég er að skrifa t.d. þá er ekki séns að ég geti hlustað á Tom Waits, sem er í miklu uppáhaldi hjá mér. Nei, þá verð ég bara að hlusta á eitthvað eitís helst hina norsku A-ha. Þegar ég er að lesa þá finnst mér best að hlusta á klassíska músík og þá helst Mahler.

Hvað fer mest í taugarnar á þér?
Tuð og neikvæðni. Þegar þannig stemmari er einhversstaðar þá fer ég bara í göngutúr.

Hver er þinn uppáhaldsstaður á Íslandi?
Haukadalur í Dýrafirði. Þar er engin klukka og einstök kyrrð.

Hver er þinn uppáhaldsstaður erlendis?
Freðriksberg í Danmörku. Við hjónin bjuggum þar þegar ég var að mennta
mig til leikara. Ætlum að vera með annan fótinn þar í einhverri framtíð.

Flytja til London eða New York?
London.

Eiga hund eða kött?
Kött.

Borða heima heima eða úti daglega?
Heima.

Finnst þér betra að vinna á morgnanna eða kvöldin?
Morgnana.

Hvort drekkurðu bjór eða vín með matnum?
Vín.

Hvort finnst þér skemmtilegra að lesa eða horfa á sjónvarp?
Lesa.

Hvort manstu betur: Nöfn eða andlit?
Andlit.

Veldu: Sturtu eða bað?
Sturtu.

Veldu: RÚV eða Stöð 2?
Rúv.

Ef þú ættir að lýsa þér í einu orði – hvaða orð væri það?
Fallegaljótur.

Er eitthvað sem þú vilt segja að lokum?
Lífið er bjútífúl einsog ítalski snillingurinn Roberto Benigni sagði svo sannlega.

Hver ert þú og hvað ertu að gera í dag?
Ég er fullorðinn unglingur og er að læra leiklist.

Í hvaða stjörnumerki ertu?
Gullfiskur 🙂

Hvað ætlaðir þú að verða þegar þú yrðir stór?
Leikari en þorði því ekki fyrr.

Hver er þinn helsti kostur og helsti galli?
Minni helsti kostur er að mér finnst fólk skemmtilegt og minn helsti galli er að ég segi alltof sjaldan nei.

Hver er uppáhaldsmaturinn þinn?
Þessu er fljótsvarað, hamborgari. Lífið væri ekki eins án hans.

Hvaða sýningu sástu síðast í leikhúsi?
Kabarett hjá Leikfélagi Akureyrar, algjörlega heillandi sýning og vel gerð.

Hvaða áhugamál áttu þér?
Það er bara leiklistinn og leiklistinn fæ bara ekki nóg.

Hvernig tónlist hlustar þú mest á?
Kántrý elska það og soul.

Hvað fer mest í taugarnar á þér?
Mjög fátt en helst ef það er eitthvað tengt mat er matsár.

Hver er þinn uppáhaldsstaður á Íslandi?
Ásbyrgi.

Hver er þinn uppáhaldsstaður erlendis?
Króatía.

Flytja til London eða New York?
Hvorugt.

Eiga hund eða kött?
Hund.

Borða heima heima eða úti daglega?
Heima.

Finnst þér betra að vinna á morgnanna eða kvöldin?
Morgnana.

Hvort drekkurðu bjór eða vín með matnum?
Bjór.

Hvort finnst þér skemmtilegra að lesa eða horfa á sjónvarp?
Lesa.

Hvort manstu betur: Nöfn eða andlit?
Andlit.

Veldu: Sturtu eða bað?
Bað.

Veldu: RÚV eða Stöð 2?
Rúv.

Ef þú ættir að lýsa þér í einu orði – hvaða orð væri það?
Skemmtilegur.

Er eitthvað sem þú vilt segja að lokum?
Þetta var gaman, já flottur vefur.

Hver ert þú og hvað ertu að gera í dag?
Ég er grafískur hönnuður á daginn á Brandenburg. DJ SURA á kvöldin og plötusnúður í hljómsveitunum Reykjavíkurdætur og Cyber.

Í hvaða stjörnumerki ertu?
Bogmaður.

Hvað ætlaðir þú að verða þegar þú yrðir stór?
Söngkona.

Hver er þinn helsti kostur og helsti galli?
Ég er óþægilega stundvís og ef ég tek að mér verkefni verð ég að gera þau 100%.
Helsti galli er kannski að ég kann nánast ekki að segja nei og langar að gera allt. Get líka stundum verið aðeins of mikið skipulagsfrík.

Hver er uppáhaldsmaturinn þinn?
Pizza, pasta, rauðvín og bara allt ítalskt sko.

Hvaða sýningu sástu síðast í leikhúsi?
Fór seinast á Sölku Völku og hún var frábær. Þá sérstaklega Blær.

Hvaða áhugamál áttu þér?
Allt það skemmtilega sem ég vinn við, hönnun, tónlist og tónlist og svo skútusiglingar – sem ég þrái að fara að gera aftur. Auðvitað ferðalög líka og nýjir staðir.

Hvernig tónlist hlustar þú mest á?
Hlusta mest á hiphop en ég er með rosalega víðan tónlistarsmekk svo það er mjög erfitt fyrir mig að svara þessu. Hlusta t.d. nánast aldrei á hiphop í vinnunni sem eru alveg 8 tímar á dag.

Hvað fer mest í taugarnar á þér?
Fólk sem virðir ekki tíma og vinnu hjá öðrum ok ég er mjög bitur út í óstundvíst fólk, það fer ekkert mest í taugarnar á mér. Reyni að láta sem minnst fara í taugarnar á mér, ef það tengist fólki eða neikvæðri orku reyni ég frekar að umgangast það minna eða losa það frá mér ef það virkar ekki að breyta því í jákvæða orku.

Hver er þinn uppáhaldsstaður á Íslandi?
Ég er mest á Suðurlandi og elska að fara í sumarbústaðinn minn. En held ég verði að segja Seyðisfjörður og toppurinn á öllum fjöllum í Vestmannaeyjum á sumrin.

Hver er þinn uppáhaldsstaður erlendis?
Ég sá ekkert annað en New York þegar ég var yngri og man ekki hvað ég hef farið oft. En ég væri mest til í að flytja í lítið hérað í Ítalíu og bara vera.

Flytja til London eða New York?
New York.

Eiga hund eða kött?
Hund.

Borða heima heima eða úti daglega?
Úti.

Finnst þér betra að vinna á morgnanna eða kvöldin?
Morgnana.

Hvort drekkurðu bjór eða vín með matnum?
Hvorugt.

Hvort finnst þér skemmtilegra að lesa eða horfa á sjónvarp?
Sjónvarp.

Hvort manstu betur: Nöfn eða andlit?
Andlit.

Veldu: Sturtu eða bað?
Sturtu.

Veldu: RÚV eða Stöð 2?
Rúv.

Ef þú ættir að lýsa þér í einu orði – hvaða orð væri það?
Ákveðin.

Er eitthvað sem þú vilt segja að lokum?
Verið velkomin á RVKDTR the show í Borgarleikhúsinu!

Hver ert þú og hvað ertu að gera í dag?
Ég er leikstjóri og leikkona.
Ég rek Miðnætti sviðslistahóp. Núna þessa dagana er ég ásamt miðnætti að leikstýra sýningunni ‘Á eigin fótum’ sem verður frumsýnd í Tjarnarbíó 29. apríl.
Á eigin fótum er falleg, fræðandi og fjörug Bunraku brúðusýning ætluð börnum frá tveggja ára og fjölskyldum þeirra.

Í hvaða stjörnumerki ertu?
Ég er vog.

Hvað ætlaðir þú að verða þegar þú yrðir stór?
Ég ætlaði alltaf að verða forseti.

Hver er þinn helsti kostur og helsti galli?
Minn helsti galli er hvað ég á erfitt með að vakna á morgnanna og minn helsti kostur myndi ég segja er að ég get sofnað við nánast hvaða hávaða sem er.

Hver er uppáhaldsmaturinn þinn?
Forsoðnar kartöflur.

Hvaða sýningu sástu síðast í leikhúsi?
GRRRRRLS í Tjarnarbíói, sýningin er alveg æðisleg. Ég er búin að sjá hana þrisvar sinnum núna og hún er alltaf jafn frábær.

Hvaða áhugamál áttu þér?
Ég stunda líkamsrækt mjög mikið.

Hvernig tónlist hlustar þú mest á?
Ég er allgjör alæta á tónlist en ég hlusta mikið á söngleiki. Núna er í uppáhaldi já mér Zanaka platan sem Jain.

Hvað fer mest í taugarnar á þér?
Slabb.

Hver er þinn uppáhaldsstaður á Íslandi?
Hornstrandir.

Hver er þinn uppáhaldsstaður erlendis?
York í Bretlandi.

Flytja til London eða New York?
London.

Eiga hund eða kött?
Hund.

Borða heima heima eða úti daglega?
Úti.

Finnst þér betra að vinna á morgnanna eða kvöldin?
Kvöldin.

Hvort drekkurðu bjór eða vín með matnum?
Hvorugt.

Hvort finnst þér skemmtilegra að lesa eða horfa á sjónvarp?
Sjónvarp.

Hvort manstu betur: Nöfn eða andlit?
Andlit.

Veldu: Sturtu eða bað?
Sturtu.

Veldu: RÚV eða Stöð 2?
Rúv.

Ef þú ættir að lýsa þér í einu orði – hvaða orð væri það?
Subba.

Er eitthvað sem þú vilt segja að lokum?
Allar upplýsingar um Á eigin fótum má finna hérna:
http://tjarnarbio.is/vidburdir/a-eigin-fotum/

Hlakka til að sjá sem flesta í Tjarnarbíói í Apríl og Maí.

Hver ert þú og hvað ertu að gera í dag?
Ég er leikari í Þjóðleikhúsinu, unnusti og svo á ég 3 börn. Þessa dagana er ég að leika Gretti í Djöflaeyjunni og álfinn Númenór í Fjarskalandi. Ásamt því að undirbúa verkefni sem eru á döfinni á næstu misserum.

Í hvaða stjörnumerki ertu?
Einhverstaðar las ég að ég væri eitthvað sem heitir tvíburi. Hvað svo sem það nú þýðir.

Hvað ætlaðir þú að verða þegar þú yrðir stór?
Fyrsta minningin um hvað ég ætlaði að verða var að vinna á gröfu. Það þótti mér ferlega töff og hver veit, kannski fer ég í það einhverntíma.

Hver er þinn helsti kostur og helsti galli?
Kosti mína vil ég að aðrir meti en gallarnir eru óteljandi.

Hver er uppáhaldsmaturinn þinn?
Saltkjöt og baunir.

Hvaða sýningu sástu síðast í leikhúsi?
Síðast sá ég „Gott fólk í Þjóðleikhúsinu“ og þótti mikið til koma. Ákaflega þörf umræða og virkilega vel útfærð á margan hátt.

Hvaða áhugamál áttu þér?
Ég spila golf á sumrin og reyni að fara í einhverja veiðitúra.

Hvernig tónlist hlustar þú mest á?
Ég hlusta í rauninni afar lítið á tónlist en í uppáhaldi eru nú sennilega Bítlarnir.

Hvað fer mest í taugarnar á þér?
Misrétti, dómharka, kynþáttafordómar, spilling, hroki, stjórnsemi……

Hver er þinn uppáhaldsstaður á Íslandi?
Hérna verð ég að nefna fæðingarstaðinn Akranes en þar sleit ég barnaskónum, einnig þykir mér alltaf gaman að koma upp í Húsafell. Við fjölskyldan reynum að fara þangað minnst einu sinni á sumri.

Hver er þinn uppáhaldsstaður erlendis?
Berlín kemur upp í hugann og svo er alltaf gaman að koma til London. En hugsanlega á ég eftir að finna mér uppáhaldsstað. Er ekki það vel sigldur sjáðu til.

Flytja til London eða New York?
London.

Eiga hund eða kött?
Hvorugt.

Borða heima heima eða úti daglega?
Heima.

Finnst þér betra að vinna á morgnanna eða kvöldin?
Kvöldin.

Hvort drekkurðu bjór eða vín með matnum?
Bjór.

Hvort finnst þér skemmtilegra að lesa eða horfa á sjónvarp?
Sjónvarp.

Hvort manstu betur: Nöfn eða andlit?
Andlit.

Veldu: Sturtu eða bað?
Bað.

Veldu: RÚV eða Stöð 2?
Get ekki gert upp á milli.

Ef þú ættir að lýsa þér í einu orði – hvaða orð væri það?
Hress.

Er eitthvað sem þú vilt segja að lokum?
Allir í bátana, líf og fjör!

Hver ert þú og hvað ertu að gera í dag?
Ég er leikari, leikstjóri, leikskáld, rithöfundur, dagskrárgerðarmaður, þýðandi, faðir, sambýlismaður, sonur, bróðir og frændi, svo eitthvað sé nefnt. Þessa dagana er ég að leika í verki eftir sjálfan mig sem heitir Góði dátinn Svejki og Hasek vinur hans og er sýnt í Gaflaraleikhúsinu. Og svo líka margt annað sem felst í því að vera allt það sem ég taldi upp hér að ofan.

Í hvaða stjörnumerki ertu?
Sporðdrekanum. Eða kínverska merkingu hananum.

Hvað ætlaðir þú að verða þegar þú yrðir stór?
Fyrst dýralæknir, svo myndhöggvari og loks leikari. Svo hef ég lítið hugsað málið eftir það.

Hver er þinn helsti kostur og helsti galli?
Helsti kosturinn er umburðarlyndi þegar það á við. Helsti gallinn er umburðarlyndi þegar það á ekki við.

Hver er uppáhaldsmaturinn þinn?
Saltkjöt og baunir. Það hefur verið í uppáhaldi síðan ég var strákur, en ég var afskaplega matvant barn. Ennþá slær ekkert út þennan þjóðlega rétt.

Hvaða sýningu sástu síðast í leikhúsi?
Síðast sá ég Illsku hjá Óskabörnum ógæfunnar í samvinnu við Borgarleikhúsið. Það var frábær sýning, bæði vel gerð og hugsuð og ekki síður umhugsunarverð.

Hvaða áhugamál áttu þér?
Fjallgöngur og skíðamennsku. Líka kajakróður og veiði. Tennis og golf eru líka áhugaverð.

Hvernig tónlist hlustar þú mest á?
Ég hlusta mikið á söngleikjatónlist, enda hef ég samið nokkra söngleiki. Svo er það gamalt rokk. Hér áður fyrr hlustaði ég mikið á óperutónlist en hef ekki gefið mér tíma til þess nýlega. Svo reyni ég að setja mig inn í það sem börnin mín eru að hlusta á hverju sinni, en þau eru á aldrinum 12 – 35 ára svo það er býsna breiður skali.

Hvað fer mest í taugarnar á þér?
Misrétti, dónaskapur og hroki. Sérstaklega hroki misviturra valdsmanna. Einu skiptin sem mig langar til að beita ofbeldi eru þegar ég sé og heyri íslenska stjórnmálamenn meðhöndla þjóð sína eins og hún sé hálfviti.

Hver er þinn uppáhaldsstaður á Íslandi?
Kópavogur. Hann kemur mér stöðugt á óvart.

Hver er þinn uppáhaldsstaður erlendis?
Avignon í Suður-Frakklandi. Þar er haldin leiklistarhátíð árlega, sem er óendanleg auðlind og uppspretta hugmynda og upplifana.

Flytja til London eða New York?
New York.

Eiga hund eða kött?
Kött.

Borða heima heima eða úti daglega?
Heima.

Finnst þér betra að vinna á morgnanna eða kvöldin?
Morgnana.

Hvort drekkurðu bjór eða vín með matnum?
Vín.

Hvort finnst þér skemmtilegra að lesa eða horfa á sjónvarp?
Lesa.

Hvort manstu betur: Nöfn eða andlit?
Andlit.

Veldu: Sturtu eða bað?
Sturtu.

Veldu: RÚV eða Stöð 2?
Rúv.

Ef þú ættir að lýsa þér í einu orði – hvaða orð væri það?
Þolinmóður.

Er eitthvað sem þú vilt segja að lokum?
Ég vil bara óska öllum sem þetta lesa hamingju og farsældar í lífinu almennt og afkomendum þeirra þæginda og langlífis.

Hver ert þú og hvað ertu að gera í dag?
Ég er leikstjóri og handritshöfundur. Um þessar mundir vinn ég að því að setja á svið fyrsta leikritið mitt í Tjarnarbíó.

Í hvaða stjörnumerki ertu?
Hrútur.

Hvað ætlaðir þú að verða þegar þú yrðir stór?
Ég var bíófíkill og langaði alltaf að verða leikstjóri.

Hver er þinn helsti kostur og helsti galli?
Ég er hugmyndaríkur en þarf að bæta mig í skipulaginu.

Hver er uppáhaldsmaturinn þinn?
Jólamaturinn hjá mömmu.

Hvaða sýningu sástu síðast í leikhúsi?
Mávurinn. Stórglæsileg.

Hvaða áhugamál áttu þér?
Ég er ennþá mikill kvikmynda unnandi. Svo finnst mér gaman að lesa.

Hvernig tónlist hlustar þú mest á?
Ég er alæta þegar kemur að tónlist. En ætli ég hlusti ekki mest á klassískt rokk.

Hvað fer mest í taugarnar á þér?
Hópefli. Það hefur þveröfug áhrif á mig.

Hver er þinn uppáhaldsstaður á Íslandi?
Kaffihúsin í miðbænum. Mér finnst þægilegt að setjast inn á kaffihús til þess að skrifa eða hitta vini.

Hver er þinn uppáhaldsstaður erlendis?
Bordeaux í frakklandi. Var þar í hálft ár að læra frönsku. Margar góðar minningar þaðan.

Flytja til London eða New York?
New York.

Eiga hund eða kött?
Hund.

Borða heima heima eða úti daglega?
Úti.

Finnst þér betra að vinna á morgnanna eða kvöldin?
Kvöldin.

Hvort drekkurðu bjór eða vín með matnum?
Bjór.

Hvort finnst þér skemmtilegra að lesa eða horfa á sjónvarp?
Sjónvarp.

Hvort manstu betur: Nöfn eða andlit?
Andlit.

Veldu: Sturtu eða bað?
Bað.

Veldu: RÚV eða Stöð 2?
Get ekki gert upp á milli.

Ef þú ættir að lýsa þér í einu orði – hvaða orð væri það?
Framleiðinn.

Er eitthvað sem þú vilt segja að lokum?
Samfarir hamfarir verður frumsýnt 21. janúar í Tjarnarbíó.

Sumarið 2015

Litla gula hænan

Sumarið 2015 mun Leikhópurinn Lotta setja upp leikritið um Litlu gulu hænuna. Í þessu verki hefur höfundurinn, Anna Bergljót Thorarensen, fléttað saman tveimur þekktum ævintýrum. Við erum þá annars vegar að tala um Litlu gulu hænuna og hins vegar Jóa og baunagrasið.

Baldur Ragnarsson semur söngtexta og mun hann ásamt Birni Thorarensen og Rósu Ásgeirsdóttur semja lögin í sýningunni. Andrea Ösp Karlsdóttir og Sigsteinn Sigurbergsson liggja síðan um þessar mundir yfir leikmyndinni sem eins og gefur að skilja er að valda þeim töluverðum höfuðverk. Hvernig lætur maður baunagras vaxa alla leið upp til skýja þegar maður sýnir undir berum himni?

Æfingar eru þegar hafnar, nýi diskurinn verður tekinn upp í apríl og þau stefna á að frumsýna meistaraverkið í lok maí.

Ekki missa af Lottu á ferð og flugi um landið í allt sumar.

Endilega líttu við á www.facebook.com/leikhopurinnlotta.

Hver ert þú og hvað ertu að gera í dag?
Ég reyni nú yfirleitt bara að vera ég sjálf en hvað það þýðir er eitt gott og konkret svar því miður. Ég er voða margt, móðir, kona, kærasta, nörd, listunnandi, lífskúnstner, líklegast hipster, krútt osfrv. svo kannski bætist eitthvað við á morgun hehehe. Ég vinn sem verkefnisstjóri viðburða hjá EFLU verkfræðistofu.
Í dag er ég aðallega að undirbúa kosningar í Grímunni sem og Grímuhátíðina sjálfa, en ég er og hef verið verkefnisstjóri Grímunnar undanfarin 2 ár. Þetta er þriðja Grímuhátíðin mín og verður hún haldin 16. júní nk. í Borgarleikhúsinu, svo það styttist óðfluga í þetta.
 
Í hvaða stjörnumerki ertu?
Ég er hardcore steingeit.
 
Hvað ætlaðir þú að verða þegar þú yrðir stór?
Ég held ég hafi ákveðið c.a. 5 ára að verða geimfari en komst svo síðar að því að það væri ef til vill of háleitur draumur fyrir Íslending svo ég færði mig aðeins nær jörðu og ætlaði fram yfir tvítugt að vera flugmaður. Svo tóku örlögin í taumana og ég fór að vinna í leikhús og smitaðist af lista bakteríunni sem engin meðferð vinnur á móti og á endanum lærði ég list – og menningarfræði. Mig langar samt ennþá að verða geimfari bara svo það sé á hreinu.
 
Hver er þinn helsti kostur og helsti galli?
Ég er einstök og dýrmæt sköpun svo ég hef fullt af kostum en líka fullt af göllum. Ergo sum fullkomin í ófullkomleika mínum tja eða öfugt 😉
 
Hver er uppáhaldsmaturinn þinn?
Flest allur matur sem er grillaður er bara snilld. Elska tapas, ítalskan mat, indverskan, tælenskan en borða alls ekki sushi.
 
Hvaða sýningu sástu síðast í leikhúsi?
Ætli það hafi ekki bara verið Billy Elliot, sem var einstakt sjónarspil frá upphafi til enda. Frábær sýning í alla staði og ég tel líklegt að sú sýning muni standa framarlega á næst Grímu en það eru aðeins spekúlasjónir.
 
Hvaða áhugamál áttu þér?
Ég er nýfarin að mála aftur eftir langt hlé og líka prjóna smá, ætla ekki að taka fagurfræðilega afstöðu til afurða minna samt sem áður. Ég horfi mikið á sci-fi og hrollvekjur. Ég les aðallega krimma þegar ég nenni að lesa nú og líka bækur um núvitund og hugleiðslu. Elska að ferðast en geri alltof lítið af því. Mér finnst voða gott að vera úti í náttúrunni og skíði eru alveg málið. Ég er alltaf að reyna að vera í jóga en vantar c.a. 10 tíma í viðbót í sólarhringinn til að ná þessu öllu sama.
 
Hvernig tónlist hlustar þú mest á?
Ég er voðalega íhaldsöm og gamaldags þegar kemur að tónlist. Hlusta á klassískt rokk eins og Led Zeppelin og Who. Einnig er ég pínu svag fyrir óperum og fæ alltaf gæsahúð þegar ég blasta Bryn Terfel eða Pavarotti.
Annar sagði einhver einhverntímann þegar viðkomandi fór í gegnum playlistann minn á ipodinum að ég hlyti að vera eitthvað skitsó svo ólík var tónlistin á tækinu.
 
Hvað fer mest í taugarnar á þér?
Margt, ansi margt. Aðallega þegar fólk gengur bak orða sinna.
 
Hver er þinn uppáhaldsstaður á Íslandi?
Snæfellsnes og Borgarfjörður
 
Hver er þinn uppáhaldsstaður erlendis?
Berlin og Nice.
 

Flytja til London eða New York?
New York.
 
Eiga hund eða kött?
Hund.
 
Borða heima heima eða úti daglega?
Úti.
 
Finnst þér betra að vinna á morgnanna eða kvöldin?
Kvöldin.
 
Hvort drekkurðu bjór eða vín með matnum?
Vín.
 
Hvort finnst þér skemmtilegra að lesa eða horfa á sjónvarp?
Sjónvarp.
 
Hvort manstu betur: Nöfn eða andlit?
Andlit.
 
Veldu: Sturtu eða bað?
Sturtu.
 
Veldu: RÚV eða Stöð 2?
Rúv.
 
Ef þú ættir að lýsa þér í einu orði – hvaða orð væri það?
Sterk.
 
Er eitthvað sem þú vilt segja að lokum?
Þetta leikhúsár er búið að vera frábært, mikið af góðum sýningum á öllum vígstöðvum svo ég hvet fólk eindregið að skella sér í leikhús og fylgjast svo með Grímunni þann 16. júní á RÚV.
 

Hver ert þú og hvað ertu að gera í dag?
Ég er 32 ára leikkona, lærð í Kaupmannahöfn. Gift, 2 barna móðir. Reykjavíkurmær sem elskar kaffi, súkkulaði og nýja skó. Ég var að klára að frumsýna Moulin Rouge í uppsetningu NFS. Þar sem ég sá um að skrifa handritið, íslenska söngtexta og leikstýra.
 
Í hvaða stjörnumerki ertu?
Á mörkum nauts og tvíbura.
 
Hvað ætlaðir þú að verða þegar þú yrðir stór?
Ég ætlaði að verða dansari, tannlæknir, leikari, tómstundafræðingur eða leikstjóri. Ég er búin með helminginn 😉
 
Hver er þinn helsti kostur og helsti galli?
Minn helsti kostur og galli er þrjóskan.
 
Hver er uppáhaldsmaturinn þinn?
Ítölsk sjávarrétta pizza.
 
Hvaða sýningu sástu síðast í leikhúsi?
Ég man það ekki! Það eina sem ég hef séð seinustu mánuði er Moulin Rouge. En næst á dagskrá er að fara að sjá Hystory. Get ekki beðið.
 
Hvaða áhugamál áttu þér?
Ég á eiginlega of mörg áhugamál. Þannig að ég næ aldrei að sinna þeim öllum eins mikið og ég vildi. En ætli dans og að breyta gömlu í nýtt sé ekki þau helstu. Annars er ég svo heppin að fá að starfa við mitt allra helsta áhugamál.
 
Hvernig tónlist hlustar þú mest á?
Ætli ég hlusti ekki mest á íslenska tónlist. Annars er eins og ég sé föst í einhverri fortíðar þrá. Ég hlusta mun meira á gamla tónlist en nýja. Fátt skemmtilegra en að ramba á gömul lög frá unglingsárunum.
 
Hvað fer mest í taugarnar á þér?
Þegar símar hringja á leiksýningum.
 
Hver er þinn uppáhaldsstaður á Íslandi?
Snæfellsnes. Elska að vera nálægt jöklinum og finna kraftinn frá fjöllunum og sjónum.
 
Hver er þinn uppáhaldsstaður erlendis?
Ég bjó í Kaupmannahöfn í 6 ár svo þar á ég marga uppáhalds staði. Einnig er lítil ísbúð í Novellara á ítalíu þar sem heimsins besti ís fæst. Get ekki sleppt því að nefna hana.
 

Flytja til London eða New York?
London.
 
Eiga hund eða kött?
Hund.
 
Borða heima heima eða úti daglega?
Himea.
 
Finnst þér betra að vinna á morgnanna eða kvöldin?
Kvöldin.
 
Hvort drekkurðu bjór eða vín með matnum?
Vín.
 
Hvort finnst þér skemmtilegra að lesa eða horfa á sjónvarp?
Sjónvarp.
 
Hvort manstu betur: Nöfn eða andlit?
Andlit.
 
Veldu: Sturtu eða bað?
Bað.
 
Veldu: RÚV eða Stöð 2?
Rúv.
 
Ef þú ættir að lýsa þér í einu orði – hvaða orð væri það?
Kröftug.
 
Er eitthvað sem þú vilt segja að lokum?
Endilega kíkið í heimsókn í Moulin Rouge og sjáið stórkostlega hæfileikaríkt ungt fólk takast á við frábært verk um magnaða karaktera sem gerðu sitt besta til að upplifa listina og þá list að elska.