Söluskóli Gunnars Andra ehf. er máttarstólpi leikhús.is
 
Draugar lifa góðu lífi í Óperunni við Ingólfsstræti   Prenta  Netfang 

Söngskemmtun Kórs Íslensku óperunnar ber yfirskriftina Draugagangur í Óperunni og
inniheldur íslensk lög er tengjast draugum og þjóðtrú

fimmtudagskvöldið 29. apríl kl. 20

Draugar hafa löngum verið tengdir við óperuhús og er einna frægastur sjálfur
Óperudraugurinn, sem Andrew Lloyd Webber gerði ódauðlegan í einum vinsælasta
söngleik allra tíma  árið 1986.

 

 

 

Kór Íslensku óperunnar efnir nú til söngskemmtunar í
Óperunni, þar sem draugur Webber er að vísu fjarri góðu gamni en hinum einu og sönnu
draugum, íslensku draugunum, er aftur á móti gert hærra undir höfði. Á efnisskránni
eru valin lög og tónsmíðar sem tengjast draugum og þjóðtrú, allar eftir íslensk
tónskáld frá ýmsum tímum og úr ýmsum áttum. Þannig er á efnisskránni allt frá
íslenska þjóðlaginu Móðir mín í kví, kví til hins vinsæla popplags Magnúsar
Eiríkssonar, Garún. Það er Skarphéðinn Þór Hjartarson kórfélagi sem tekið hefur
dagskrána saman og útsett þau lög sem ekki voru samin með blandaðan kór í huga, en
Antonía Hevesi leikur með á píanó. Um leikræna útfærslu sér Ágústa Skúladóttir og
lýsingu hannar Páll Ragnarsson.

Íslenska óperan
Ingólfsstræti
101 Reykjavík
Iceland
http://www.opera.is

 
Leikhús.is er rekið af SGA ehf
©2004-2010 - Allur réttur áskilinn

leikhus@leikhus.is
Hafa samband

Auglýsingar
 
 
2fyrir1.is