Söluskóli Gunnars Andra ehf. er máttarstólpi leikhús.is
 
Frumsýning 16. apríl. - Stræti eftir Jim Cartwright   Prenta  Netfang 

Nemendaleikhúsið æfir nú lokaverkefni sitt Stræti eftir Jim Cartwright en
frumsýning er föstudaginn 16. apríl n.k. í Smiðjunni við Sölvhólsgötu. Þessi
útskriftarárgangur hefur vakið verulega athygli fyrir fyrri sýningar sínar í
vetur, Eftirlitsmanninn eftir Gogol og Bráðum hata ég þig eftir Sigtrygg
Magnason.

Lokaverkefni þeirra er, eins og fyrr segir, breska leikritið *„**STRÆTI”
eftir Jim Cartwright*, einn af þekktari samtímahöfundum Breta. Leikritið kom
fram fyrir rúmum tveim áratugum og sló strax rækilega í gegn og fór á fjalir
leikhúsa víða um heim. Það skýtur alltaf upp kollinum öðru hverju og virðist
alltaf eiga erindi.

Í verkinu er brugðið upp myndum af íbúum götu einnar í lítilli iðnaðarborg,
þar sem fátækt og atvinnuleysi hrjáir íbúana. Leikritið gerist á einni
kvöldstund og við fáum augnabliks innsýn í fjölbreytilega mannlífsflóru
strætisins. Þar eru allir komnir í helgargírinn og eru staðráðnar í skella
sér út á lífið þetta umrædda kvöld og sletta rækilega úr klaufunum. Enda
fátt annað gerlegt í atvinnuleysinu og eymdinni en halda dauðahaldi í vonina
um betri tíma. Við kynnust skrautlegum persónuleikum og fjölbreytilegu
litrófi mannlífsins í þeirri blöndu af kaldhæðni, ljóðrænu og fyndni, sem
einkenna höfundinn. Hann fjallar um persónur sínar af samúð og hjartahlýju
og trúir því að allir eigi sér viðreisnar von. En til þess þarf sameiginlegt
átak samfélags og þegna.
Í útskriftarhópnum er sjö verðandi leikarar, þau *Anna Gunndís Guðmundsdóttir,
Hilmar Guðjónsson, Hilmir Jensson, Lára Jóhanna Jónsdóttir, Svandís Dóra
Einarsdóttir, Þórunn Arna Kristjánsdóttir og Ævar Þór Benediktsson*.

Flest þeirra leika fleiri en eitt hlutverk í sýningunni,  því alls er
hlutverkin hátt í þrjátíu talsins.

Þýðandi verksins er *Árni Ibsen*, um tónlist sjá *Vala Gestsdóttir og Arndís
* *Hreiðarsdóttir*, lýsingu annast*Björn Bergsteinn Guðmundsson og Páll
Ragnarsson*, búninga gerir *Filippía Elísdóttir*, leikmynd *Vytautas
Narbutas* og leikstjóri er *Stefán Baldursson.*

*Sýningar verða sem hér segir:*
föstudagur16. aprílFrumsýningUppseltsunnudagur18. apríl2. sýningmiðvikudagur21.
apríl3. sýningfimmtudagur22. apríl4. sýningföstudgur23. apríl5. sýning
laugardagur24. apríl6. sýningmiðvikudagur28. apríl7. sýningfimmtudagur29.
apríl8. sýningföstudagur30. apríl9. sýninglaugardagur1. maí10. sýning

*Einungis verður um takmarkaðan sýningarfjölda að ræða og því ráðlegt að
tryggja sér miða í tíma.*

*Miðasala fer fram á leiklist@lhi.is, í s: 895 6994 og á
midi.is<http://www.midi.is/>
.
Einnig er miðasala sýningardaga í Nemendaleikhúsinu frá kl. 18.00 – 20.00.*

 
Leikhús.is er rekið af SGA ehf
©2004-2010 - Allur réttur áskilinn

leikhus@leikhus.is
Hafa samband

Auglýsingar
 
 
2fyrir1.is