Söluskóli Gunnars Andra ehf. er máttarstólpi leikhús.is
 
Möguleikhúsið er nú á leið til Bandaríkjanna   Prenta  Netfang 
Möguleikhúsið er nú á leið til Bandaríkjanna með leiksýninguna Völuspá (The
Prophecy).

Sýningin verður sýnd á Showcase, eða leikhúsmessu í Pittsburgh í
Pennsilvaníu, The International Performing Arts for Youth. Völuspá er þar í
hópi 20 sýninga víðsvegar að úr heiminum sem valdar voru sérstaklega til
þátttöku. Tilgangur leikhúsmessunnar er að kynna það besta sem boðið er upp
á í leikhúsi fyrir börn og unglinga fyrir skóla, hátíðir, listamiðstöðvar
o.fl.væntanlega kaupendur sýninga  í Bandaríkjunum og Kanada.

Það er Möguleikhúsinu mikill heiður að hafa fengið boð um þátttöku á þessari
leikhúsmessu og er það hiklaust eitt stærsta tækifærið sem leikhúsinu hefur
boðist til að kynna sýningar sínar fyrir Bandaríkjamarkað.
Völuspá var frumsýnd í Möguleikhúsinu á Listahátíð í Reykjavík vorið 2000.
Sýningin var tilnefnd til menningarverðlauna DV fyrir árið 2000 og hlaut
Grímuna - íslensku leiklistarverðlaunin 2003

Verkið byggir á hinni fornu Völuspá og veitir áhorfendum sýn inn í
hugmyndaheim heiðinnar goðafræði. Þar segir m.a. frá fróðleiksfýsn Óðins,
græðgi í skáldamjöðinn, forvitni hans um nútíð og framtíð, Fenrisúlfi,
Baldri, Loka, Hugin og Munin og ótal fleiri persónum.

Leikstjóri sýningarinnar er Peter Holst, Guðni Franzson stýrði tónlistinni í
verkinu og leikmynd og búninga hannaði Anette Werenskiold. Á sviðinu eru
Pétur Eggerz sem leikur öll hlutverkin í Völuspá og Stefán Örn Arnarson
sellóleikari.

Frá því Völuspá var frumsýnd hefur sýningin gert víðreist, m.a. verið sýnd á
hátíðum í Rússlandi, Svíþjóð, Kanada, Finnlandi, Færeyjum, Bandaríkjunum
Þýskalandi og Frakklandi.

Alls eru sýningar orðnar rúmlega 170 talsins, en sýningin var tekin upp að
nýju á síðasta ári eftir nokkurra ára hlé og sýnd í leikferð um Bandaríkin.

Nánari upplýsingar um leikhúsmessuna í Pittsburgh og þá sem þar koma fram er
að finna á heimasíðunni http://www.ipayweb.org/showcase/artists.php einnig
er hægt að hafa samband við Pétur Eggerz í s. 8971813
 

  Pétur Eggerz

Möguleikhúsið ehf

Keilufelli 47

111 Reykjavík

s. 562 2669 / 897 1813

moguleikuhusid@moguleikuhusid.is

www.moguleikhusid.is

 

 
Leikhús.is er rekið af SGA ehf
©2004-2010 - Allur réttur áskilinn

leikhus@leikhus.is
Hafa samband

Auglýsingar
 
 
2fyrir1.is