Söluskóli Gunnars Andra ehf. er máttarstólpi leikhús.is
 

Inn í dagskrá leikhús.is finnur þú upplýsingar um allar sýningar
hjá atvinnu- og áhugaleikhúsum á Íslandi.


Sjá allar sýningar | Leiksýningar | Barnasýningar | Ópera | Dans

Aðeins 1 sýning eftir - sunnudaginn 7. mars.  
mánudagur, 01 mars 2010
ENDALAUS FÆR 5 STJÖRNUR -

Íd frumsýndi verkið Endalaus eftir Alan Lucien Öyen 4. febrúar
síðastliðinn og hefur sýningin fengið virkilega góða dóma hjá
gagnrýnendum.

Fréttablaðið gefur sýningunni fimm stjörnur
Morgunblaðið gefur sýningunni fjórar stjörnur

Við viljum benda vinum Íd sem eiga eftir að sjá þessa fallegu og
tilfinningaríku sýningu að það eru aðeins 2 sýningar eftir.

Youtube: Kynningarmyndband
[http://www.youtube.com/watch?v=2nnR6gbYOP4 ]

 

Leikfélag Reykjavíkur efnir til málþings um Jóhann Sigurjónsson  
fimmtudagur, 18 febrúar 2010

Jóhann Sigurjónsson leikskáld – sígildur eða ekki?

Leikfélag Reykjavíkur efnir til málþings í Borgarleikhúsinu laugardaginn 20. febrúar og hefst það kl. 11:00 á Litla sviðinu með leiklestri á leikriti Jóhanns Rung læknir sem gefið var út í Danmörku 1905. Sveinn Einarsson leikstýrir þeim Hilmi Snæ Guðnasyni, Jakobi Þór Einarssyni og Láru Jóhönnu Jónsdóttur.

Umræðuefni málþingsins, sem hefst að leiklestri loknum,  er Jóhann Sigurjónsson, leikskáld, og erindi hans við nútímann.
Nánar...

Vel heppnuð frumsýning  
fimmtudagur, 18 febrúar 2010
Gunnari Þórðarsyni var ákaft fagnað eftir frumsýningu á tónlistar- og sögusýningu hans Gunni Þórðar lífið og lögin á laugardagskvöldið.  Mikil og góð stemning var og ætlaði fagnaðarlátum aldrei að linna. Við vissum öll að Gunnar er einn af okkar fremstu tónlistarmönnum en að hann væri svona skemmtilegur vissu ekki nema þeir sem þekkja hann. Nú getið þið kynnst þessari nýju hlið Gunnars Þórðarsonar á Söguloftinu í Landnámssetrinu.

Í þessi nýju sýningu Gunnars Þórðarsonar rekur hann lífshlaup sitt. Nokkurskonar ævisaga í tali og tónum, hann segir frá uppvexti sínum og æfi, talar um   poppið, og spilar lög þessara tíma. Þetta er  einleikur Gunnars með gítarana á Söguloftinu.

AIDA - Ástarþríhyrningurinn  
fimmtudagur, 18 febrúar 2010

AIDU – ÁSTARÞRÍHYRNINGNUM FRESTAÐ VEGNA VEIKINDA

Vegna veikinda verður sýningu á Aidu - Ástarþríhyrningnum í Íslensku óperunni frestað um tvær vikur, til föstudagsins 5. mars kl. 20, en sýningin átti að fara fram annað kvöld, 19. febrúar.

Þeim sem þegar hafa keypt miða á tónleikana er bent á að snúa sér til miðasölu Íslensku óperunnar, með því að hringja í síma 511-4200, svarað í síma frá 10-18 alla virka daga og frá kl. 12 um helgar, eða með tölvupósti á midasala@opera.is, til að fá miða á nýja sýningu eða endurgreitt.
Nánar...


Saga af görpum  
fimmtudagur, 18 febrúar 2010
Silja Aðalsteinsdóttir gefur Gerplu afbragðs dóma

Hér er leikdómur Silju Aðalsteinsdóttur í heild sinni en hann birtist á www.tmm.is
Gerpla Halldórs Laxness, saga fóstbræðranna Þorgeirs Hávarssonar og Þormóðs Bessasonar Kolbrúnarskálds, er glæsilegt verk sem hefur margt til að laða að sér breiðan hóp lesenda: mikla atburðarás og lifandi lýsingar á stórum og smáum viðburðum, spennu og ofbeldi, óleyfileg erótísk sambönd, einlæga vináttu og heitar ástir. Hún hefur fornlegan stíl, er fyndin og hefur djúpan og brýnan boðskap. Og hún hefur – síðast en ekki síst – þá dásamlegu blöndu af einlægum tilfinningum og háði sem einkennir bestu bækur Halldórs. Enda gerði ég hvort tveggja að hlæja og gráta í Þjóðleikhúsinu í gærkvöldi þegar Baltasar Kormákur frumsýndi leikgerð sína og Ólafs Egils Egilssonar á sögunni.
Nánar...

Íslensk leikhúsveisla er framundan í Þjóðleikhúsinu.  
þriðjudagur, 09 febrúar 2010
Næstu fimm verk sem frumsýnd verða eru eru öll eftir íslenska höfunda. Gerpla eftir Halldór Laxness verður frumsýnd á Stóra sviðinu á föstudaginn. Hænuungarnir nýtt verk eftir Braga Ólafsson verður frumsýnt í Kassanum 27. febrúar og gleðisprengjan Fíasól eftir Kristínu Helgu Gunnardóttur stelur senunni í mars í Kúlunni. Íslandsklukkan eftir Halldór Laxness verður frumsýnd á 60 ára afmæli leikhússins og verkið Af ástum manns og hrærivélar sem er eftir fjóra íslenska höfunda verður frumsýnt í maí í Kassanum. Leikhúsvinir hafa því til mikils að hlakka.

Viðtökur leikhúsgesta hafa ekki látið á sér standa og uppselt er nú þegar á 21 sýningu á Fíusól og nánast uppselt á fyrstu tíu sýningarnar á Gerplu.

Gleðilega íslenska skemmtun!

Einstök upplifun - takmarkaður fjöldi sýninga  
mánudagur, 01 febrúar 2010
Þú situr ein(n) á kaffihúsi á aðfangadag, ætlar að taka lífinu með ró og
safna kröftum áður en hátíðina ber að garði. Inn af götunni gengur sú
manneskja sem þú áttir síst von á og vildir ekki undir neinum kringumstæðum
hitta. Hvað gerir þú? Hvað gerir hún? Hvernig mun fortíðin ykkar hafa áhrif
á þennan annars venjulega aðfangadag?

Höfundurinn Þór Rögnvaldsson lætur nú enn og aftur heyra í sér með nýju
athyglisverðu leikriti. Eftir að hafa sigrað leikritasamkeppni af tilefni
hundrað ára afmæli Leikfélags Reykjavíkur hefur hann ekki setið auðum höndum
og sendir nú frá sér verk sem hefst á örleikriti Strindbergs Hin sterkari
(Den starkere) en síðan leggur Þór út af þessu stefi og prjónar aftan við
meistaraverk Strindbergs fjögur ólík en samtvinnuð tilbrigði; tvö tilbrigði
fyrir konur og önnur tvö fyrir karlleikara. Leikritið heitir þess vegna
Tilbrigði við stef, en það er í senn áhrifamikið, spennandi og á köflum
kómískt verk. Leikararnir eru þeir Valgeir Skagfjörð og Gunnar Gunnsteinsson
sem leika karlhlutverkin og Lilja Þórisdóttir og Guðrún Þórðardóttir í
kvenhlutverkunum. Leikstjóri er Inga Bjarnason sem hefur sett á svið á
fimmta tug leikrita m.a Dauðadans Strindbergs, Trójudætur og Medeu eftir
Evripítes og MakbeðShakespeares. Þetta er uppsetning sem enginn
leikhúsunnandi ætti að láta framhjá sér fara.
Nánar...

Möguleikhúsið er nú á leið til Bandaríkjanna  
mánudagur, 01 febrúar 2010
Möguleikhúsið er nú á leið til Bandaríkjanna með leiksýninguna Völuspá (The
Prophecy).

Sýningin verður sýnd á Showcase, eða leikhúsmessu í Pittsburgh í
Pennsilvaníu, The International Performing Arts for Youth. Völuspá er þar í
hópi 20 sýninga víðsvegar að úr heiminum sem valdar voru sérstaklega til
þátttöku. Tilgangur leikhúsmessunnar er að kynna það besta sem boðið er upp
á í leikhúsi fyrir börn og unglinga fyrir skóla, hátíðir, listamiðstöðvar
o.fl.væntanlega kaupendur sýninga  í Bandaríkjunum og Kanada.

Það er Möguleikhúsinu mikill heiður að hafa fengið boð um þátttöku á þessari
leikhúsmessu og er það hiklaust eitt stærsta tækifærið sem leikhúsinu hefur
boðist til að kynna sýningar sínar fyrir Bandaríkjamarkað.
Nánar...

Meira...
Listasýningin Hnykill
Bugsy Malone í Keflavík
Fjölskyldan - ágúst í Osage-sýslu
Ástardrykkurinn í íslensku óperunni
 
Leikhús.is er rekið af SGA ehf
©2004-2010 - Allur réttur áskilinn

leikhus@leikhus.is
Hafa samband

Auglýsingar
 
 
ILG - 150x600px